حضرت آيت ا... العظمي آقا شيخ محمد بهاري (وفات 1325 ق.):

"... من تُوركم، اونو ـ بونو (دونياني و آلچاق ايشلري) بيلميره م"

دونيادا حق سني، منه وئرسون جزا گونو
قوي ائيله سـون بئهئشتده غيلـمان موضـاييقه
مـن دين-و ديل نه نوعيله سندن اسيرگه يوم(1)
ترسـايه دينـين ائتمـه دي صنعان موضـاييقه..."

به نقل از كتاب شريف "تذكره المتقين" (مجموعه افاضات و مكتوبات آقا شيخ محمد بهاری عارف بزرگ قرن چهاردهم هجری قمری) مراسلة سيزدهم

بوتون تُورك ائللـرين ايفتيخـاريسن !

هر سحر، گون ساچار مقبره ن اوسته
وئره ر شهريميزه جلا، "بهاري"
هر گـون، سحر چاغـي زييـارتيـوه
شفق وئره ر خلقه صلا، "بهاري"

عـيرفان ديـيارينين نوبـاهاري سُـن
شهـريميز "باهـار"ين لالـه زاري سُـن
بوتون تورك ائللرين ايفتخاري سن
چون دوشمه دين ائلدن آيري، "بهاري"

گؤل آچيب، گووَه نه ر "باهار"يم سنه
هر زامان فخر ائده ر ديياريم سنه
بير عؤمور باغليدير ايلقاريم(3) سنه
بيلير بونو، باد-ي صبا، "بهاري"

هر سحر، باش اَگه ر شانيوه الوند
ائده ر اؤز آديني، آديوه پئيوند
گؤركملي ساوالان، چنلي دماوند
رفعتين ائتميشلر ايمضا "بهاري"

عيرفان بولاقلارين، دريالار كيمي
كَسكين خُوطبه لرين، ذوالفقار كيمي
بئش گون گليب گئتدين سن روزگار كيمي
دئدين يوخ دونيادا وفا "بهاري"

نجفده،حوزه لر گولو سنيدين
نهج البلاغه نين، ديلي سنيدين
مولايا، اوره گلر يولو، سنيدين
چون سئوه رميش سني مولا، "بهاري"

"شوندي" عاريفلر مولكينه ارباب
وئريب سنه لقب: "حكيم اصحاب"
حيكمت مئيخانه سين ائتدين دق الباب
آلدين موراديندان صهبا، "بهاري"

"باهارلي"يام، هر جومعه نين گئجه سي
گؤرره م ضريحيوه باغلي، بير كسي
گؤگلره يوكْسُه له ن آغلاما سسي
ايستييور دردينه شفا، "بهاري"

---