كيمليييم سسي
شئعر: اوستاد غلامرضا بهاري (باهارلي)
بهار شهريندن
باخ بير گؤنولده كؤزلريمه ، سن ده يان ديليم!
باخ بو تيكيك دوداقلاريما ، بير اوتان ديـليـم!
اويدون يابانجي لايلالارا ان باهار چاغيم
عؤمروم دؤنوبدو سون باهارا ، دور اويان ديليم!
داندين اؤزوندهكي آتالاردان قالان ديلي
ايندي يابانجيلاردي بيزي دانلايان ، ديليم!
باخ! اؤلكهلردن ايندي گلير كيمليييم سَسي
سَسلَه ن او سَسلره سَس وئر ، آمان ديليم!
چوخدان هارايلايير سني ائللر ، قيسيلما قالخ
قير ايپلرين دوداقلاريمين ، سَسله "جان" ديليم!
آنلام ديليندن آل يايي ، قوي اودلو سؤز اوخون
ديلسيز قارانليغين اورهيين آل نيشان ديليم!
بير گون كؤچهر گئجه ، سؤكوله ر دان ، گونش ساچار
باش قالديرار چيچك گَنَنه قاردان ، اينان ديليم!
قيش دا گئدهر ، "باهارلي" يازار شئعرين ائللره
ائل ده سنه چيچك گتيرهر آرماغان ، ديليم!
0 Comments:
Post a Comment
<< Home