آنا يوردوم، همدان !
آقاي صادقيان- همدان شهريندن- آزربايجان
بو گؤزه ل اؤلكه ميزين ، گؤرمگه وار آيري صفاسي
"همدان" توركلريني ايسته مه لي دوغدو آناسي
دين-و مذهبده آدي "مأمن مؤمن"دي بو شهرين
عئلمده باخ كي چاتيب هر يئره دؤنيادا صداسي
يايدا گزگينلر ايله شهر، ائله بيل، پاريس'ه بنزه ر
بلليدير چونكو اونون سئومه ليدير آب-و هواسي
« عليصدر» غاريني گؤرسه اولاجاق خيلقته حئيران
بارك الله او يدالله كي قويوب اؤيله بناسي
فارسلارا وار بو نصيحت كي ياماندير بو منييت
فارس-و تورك ، كورد-و لُورين هاميسينين بيردي خداسي
بويوروبدور بونو قورآن كي فقط تقوالي اوستدور
كيسمه كي اه يمه يه باش بونا اونون يوخدو خوداسي
هاني "آخوند شوندي" ، هاردادير "شئيخ بهاري" ؟
هاني "موللا علي معصوم" ائله ميش ترك-ي معاصي
آنا يوردوم، همدان ! "تنها" سنه سؤيلهدي ، سن ده
سؤيله شاعيرلر ايچينده ، شيعرينين چوخدو باهاسي
0 Comments:
Post a Comment
<< Home