آذربایجان اویرنجی حرکاتی – همدانین 21 آذرحرکاتیله باغلی بیلدیریسی

مشروطیت دونمیندن، ایران آدلانان اولکه ده قانون چولوق، ضد استبداد و آزادلیق حرکات لاری، آذربایجان میللتی باشدا اولاراق باشلامیشدیر.اوزللیکله ایران تورکلری هیممتیله و مشروطه قهرمانی، اولو سردار، ستارخانین فداکارلیغیلا، ایران میللتلری آلینمیش آزادلیق، قانون چولوق و دوغال حاقلارینا صاحیب اولماق لذتینی دادمیشلاردیر.

دونیا اوزه ره یاشایان میللتلرین تاریخین باخدیقدا، گاهدا آجی و سارسیدیجی اولایلارلا اوزله شیریک. قهرمان آذربایجان تورک میللتی ایسه ایستیثنا دئیلمیش. مدنی آزادلیقلار دونه می چوخ سورمه ییب. دونیا گوجلری، اوزللیکله اینگیلیسین ایش بیرلیله، رضاخانین 20 ایلللیک دئسپوتیزمی، قانلی مجاهیده ایله قازانیلمیش اینسانی آزادلیقلارا کولگه سالیر.تاریخچیلرین دئدیکلرینه گوره، ایلک پهلوی دونه مینده، ایران آدلانان اولکه ده یاشایان میللت لرین وارلیقلاری دانیلیر، تاریخ لری تحریف اولونور، دیللری یاساقلانیر، کیملیکلری قوندارمالاریله دئیشدیریلیر و نهایت میللی غرورلاری تاپتالانیر.بو بولانیم دا، اینقیلابلار بئشیی اولان ایرانین اوگئی ائولادی، آذربایجان میللتی، ان دهشتلی تضییقلره معروض قالیر. اوخللاردا تورک دیلینده دانیشان اویرنجیلر جریمه اوده مه لی اولورلار.رسمی تهران ژورناللاریندا و ایرانین مزدور تاریخ چیلری تورک کیملیی و دیلینی، قوندارما "آذری" تئرمیله آدلاندیریرلار.ایرانین آوروپا دروازاسی اولان تبریزایقتیصادییاتی فلج اولور. تورک آیدینلاری یا اولدورولور یا قاچقین سالینیر.

آما تاریخ دولاشیب تورک اوزونه باخدی. 1320- نجی ایللر گلیب چاتدی. 1324 – نجو ایلین آذرآیینین 21- ده آیری سئچکیلیکدن سارسیمیش، گونئی آذربایجان تورک میللتی اوز ایشینین چاره سینی قیلدی. 21 آذر حرکاتی، رهبر پیشه وری اوندرلییله یارانیر. تکجه آذربایجان میللتی دئییل، آما ایفلیس حالینا دوشن ایرانین بوتون فارس اولمایان میللتلری، اونو الهی دن اتهاف کیمی سانیرلار.

میللی حاکیمیت کولگه سینده آذربایجان مدنیتی بیر داها دیرچه لیر. ایللردیر آزادلیق سویونا عطش قالان وطن پوتاقلاری، سورعت له حاصیل وئرمه یه باشلاییر. یونیوئرسیته و اوخوللار قورولور، فابریکالار قالدیریلیر، خسته خانالار تیکیلیر، یوللار چکیلیر، امنیت و دینجلیک یارانیرو یوزلر و یوزلر باشقا اینکیشافلار حاصیل اولونور.دفعه لرله اوز صولح سئورلیینی دونیایا ثوبوتلاندیران میللی حاکیمیت، تهرانین مرکزی حاکیمیتیله آنلاشمایا گیریرو آذربایجانین موختار حاکیمیتی تهران وریندن قبول اولونور. آنجاق بیر ایل آزاد آذربایجان دا یاشایان خالقیمیزین سعادتی اوزون سورمور. بلکه قارا گون میللتیمیزین طالعینه ساواش یازیلیبیمیش، نه ایسه...

1325- نجی ایلین آذر آییندا تهرانین فاشیست فارس حاکیمیتی اعلان اولونمامیش محاربه یه باشلاییر.بوتون آنلاشمالاری پوزور. تاماما ایچ و هم بین الخالق قانونلاری آیاقلاییرو آذربایجانا قوشون چکیر. دئموکرات فرقه سینین ساتیلمیش مرکزی کمیته اویه لرینی چوخونلوغو رهبر پیشه ورینین راینیه رغما، تهرانلا موحاربه یه ایذن وئرمیر. ایذین وئریلمیر زنجاندا توره دیلمیش جنایتلرین قان باهاسی آلینسین. قوشون میانا و سونوندا پایتاخت اولان تبریزه چاتیر. هر شهره گیردیکته میثلی گورونمز وحشیلیکلر توره دیر. حتی آمئریکا کونسولونون دئدیینه گوره روسلار اونلاردان قات قات یاخشیمیشلار. وئریلن سندلره گوره،3-مینه یوخون اینسان صحرایی محکمه یه وئریلیرلر و گوله له نیرلر. 20- میندن چوخ گوناهسیز اینسان محکمه سیز آسیلیرلار و اولدورولورلر. 70- مین دن آشقین اینسان قاچقین دوشورلر. میللتین بوتون نخبه لری یا اولدورولورلر و یا تبعید اولورلار. خالقین آنا دیلینده یازیلان کیتابلار قالانیر و شانلیقلا اوتا چکیلیر. دئمه لی آذربایجان تورکلری سازمان میلل قانونلاری اساسیندا(بیرلشمیش میللتلر تشکلاتینین 1946- نجی ایلین 11 اکتبریندا و 1948- اینجی ایلین 9 دئکابریندا تصویب اولونان مصوبه نین 11-نجی مادده سی اساسیندا ) هم ائتنیک و ماددی و هم معنوی ومدنی آچیدان، اصیل سویقیریما(نسل کشی) معروض قالیرو هر ایل بئله بیر حئیوانلیغین ایل دونومونده، آذربایجان شهیدلرینین قالمیشلاری و یارالیلاری اینجیسینلر دئیه، سارسیلسینلار دئیه، میللی شنلیک اعلان اولوندو.

آما

اورتادا بیر سوز وار دئیر:
تورک شوشه یه بنزر
سیندیقجا ایتیلر و

داشا بنزر ، قیزماز آما قایناییرسا
آشار، داشارو اونونلا آزادلیق آراسیندا اولان انگللری چوزر و اریدر

آذربایجان اویرنجی حرکاتینین همدان قولو اولاراق، آذرآیینین 21، میللی حاکیمتیمیزین قورولماسینین ایل دونومونو آذربایجانین قهرمان آما مظلوم میللتینه تبریک ائده رک، 1325- نجی ایلین آذر آینین 26- سینی، گونئی آذربایجان میللتینه قارشی توره دیلین سویقیریم کیمی، خاطیرلادیب و باشینیز ساق اولسون دئیریک.

21 آذر1386

آذربایجان اویرنجی حرکاتی - همدان