Monday, December 10, 2007



همدان´‌نین قاوند بخشینده اولان تورکجه ‌سین‌داشی‌لاری

سنگ مزارهاي تركي بخش قهاوند (قاوند) همدان- آزربايجان

همدان´ین دوغوسوندا «قاوند» [قهاوند] آدیندا یئرله شه ن بیر تورک ائللی بخش وار. اورانین ییرمی ـ اوتوز پارچا کندینده چوخلو سین داشی‌لار تورک دیلینده یازیلمیش. بو داش یازیلاری‌نین تورکجه‌ متنی‌نی مرحوم آقای سیدعلی مجذوبی آدیندا بیر شاعیر شئعر قاليبینده یازمیش. رحمتلی سید علی مجذوبی بو ایل یازدا دونیاسینی ده‌ ییشدی.

بیز بیلدیر همدان بیلی‌یوردوندا قورولان «آزربایجان´ین اوچ فیلسوفو» کونگره‌ سینه ايشتيراکیمیزدان دؤنه رکن بو کؤی‌لردن کئچدیکده، آقای سیدمجتبی موسوی جنابلاری‌نین واسيطه ‌سیله مرحوم سید علی مجذوبی ایله گؤروشدوک. و «بؤیوک آباد» کندده اولان چوخلو تورکجه یازیلمیش سین‌‌داشیلاری گؤردوک.




او داشلارین بیریسی‌نین شکیلی‌نی کي ائله «بؤیوک آباد» کندیندن سالمیشیق سیزه گؤنده‌ ریره ‌م. بو شکلینی سالدیغیمیز داش‌ یازی‌سی‌نین تورکجه متنی بئله‌دیر:


مستعلی‌شاه اوغلویام، نصرت آديم، منزيل لَحَد
شٶهرتیم رهبر، اٶزوم مدداح، بر عٶمر-ی اَبَد
آشينالار، قبریم اوسته لوطف ائدين گه ‌گه گلين
شاد ائدين سیز روحومو، با قل هُو الله اَحَد



اینشاللا بیر داها فورصت یارانارسا آرتیق شکیل‌لر سالیب سیزه گؤنده ره‌ ره م. آنجاق اؤزونوز یوخسا یولداشلارینیزدان کیمسه بؤیوک آباد و اطرافیندا یئرله شه ن کندلری مزارلیقلاریندا بو تورکجه یازی‌یا آلینمیش سین‌داشلارینی گؤره بیله ر.

سایقی‌لارلا
قوم ـ فتح الله ذوقی


Share/Bookmark

0 Comments:

Post a Comment

<< Home