همدانلي ايگيد صمد بي قورباني

همدانلي ايگيد صمد بي قورباني و بو بولگه نين ميللي حركت اوزره ديرچه ليشي

صمد قورباني سپهر، ميللي حركت فعاللاريندان و همدان اونجوللريندن دير. صمد بي تهران يونيوئرسيته سينده اكينچيليك ساحه سينده اوخو بيتيريب و ليسانس آلميشدير. تهران يونيوئرسيته سينده، بير سياستچي اليت كيمي تانينان صمد بي قورباني سپهر، آدديم آدديم سياست چيليك روتبه لريني آشيريب و نهايت، تهران ميللي بيليم يوردونون ايسلامي انجومنينين مركزي شوراسيندا يئر آلدي. دئيلير كي، او هم ده شعر و ادبيات ساحه سينده اينجه بير طبعي اولموشدور. آذربايجان ميللي حركتي، تهران بيليم يوردوندا، ديرچلمه دن اونجه، صمد بي گونئي آذربايجان ماراقلاريني، ايران اويرنجي حركاتينين يونه تيمينين تمل نوقطه سي اولان تهران يونيوئرسيته سينين ايسلامي انجومه نينده، قوروماغا چاليشميشدير. نه ايسه، سونرالار آذربايجان اويرنجي حركاتيني اونجوللريندن و ايلك قايغي چكن لريندن اولوبدور.

آما دييم سيزه كي ائشيديك، آبانين 26- سيندا ستارخان اولو سرداريميزين مزاري اوسته توتولماسيندان. دئمه لي بير نئچه موددت اونجه دن، ايرانين كشفيات ايداره لري، همدانلي ايگيدي ايزله ييرميش. مراسيم بيتير و صمد بي قاييد باش ميللي فعاللار آرادا يوخ، آنجاق فاصله آچديقدان سونرا بير آن ايططيلاعات قووه لري طرفيدن ياخالانير. تهران ايطيلاعاتيندا ايتيهاميني تفهيم ائتمه دن اونجه، ايشكنجه اولونور و سونرا سورغولانير. صمد به يين دئديكلرينه گوره چوخداندير بير فورصت آختاريرميشلار.

آنجاق بير شئي اونلاري چوخ غضبلنديرميش. بو كي صمد بي همدانين ايلك قوچاغيديركي ياخالانيب. ايطيلاعاتين ان چوخ چاليشديغي بو اولوب كي اونون توتولماسي و همدان، ميللي حركتين ان اوجا سوييه سي اولان سياسي ساحه سينه قوشولدوغونو، گيزلي ساخلاسين.آخي بئچا را فارسلار 80 ايل بوتون سرمايالاريني و واريوخ لاريني بونا صرف ائديبلر. ايندي گوروردولر بير ايگيد اوغلان هاميسين هئچه وئريب. تهران ايطيلاعاتينداهيرسدن باغيريرميشلار"از همدان اومدي واسه ما پان تركيست شدي..؟!!!بزيندش اين ترك خ..."

آآآ....ه، خاطيرلاديم او ديوشجونون سوزلريني كي دئيير" دوغرو ميللتلشمه، قاندان، جاندان، فداكارليقدان كئچير. و دئير جسارتلي ميللتلر اوز سينيرلارين اوزلري جيزارلار و جساتسيزميللتلرين سينيرلارين ايستعمارچيلار جيزارلار..."

بير چوخ عيللت لره گوره فارس حاكيمليي، همدان شهري و عموميتله او بولگه ده آسيميلاسيون پروژه سينه سورعت وئرمه نتيجه سينده، همدانين 70 فايزيندان چوخو تورك اولاركن (همداندا ياشايان فارسلارين دئيشيه گوره) قاليب ديل كيمي فارسي دانيشيلر. مركزي حاكيميتين ان چوخ چاليشديغي بو اولوب كي، دئسين همدان آذربايجاندان دئييل. اوزلليكله اورادا چاليشان ميللي فعاللاري، همداندا يوخ، آنجاق همداندان ائشيكده توتماغا چاليشير.

ماراقلي بو كي، بوتون چاليشمالارا راغما، همدان بولگه سي بو ايل بويوك يچيمده ميللي حركت جرگه سينه قوشولدو. همدان اويرنجي حركاتي آرديجيل اولاراق 21 و26 آذرده چوخ سامباللي تورنلر كئچيره رك، 21 و 26 آذر رسما گونئي آذربايجنين دئولتچيليك گونو و سويقيريم فاجئه سي كيمي قئيد ائتميشديرلر. يونيوئرسيته لرده، يوزلر اويرنجينين ايشتيراكيله ميللي مارش وخونموشدو، شهرلر و كوتله آراسيندا يوزلر بيلديريش پايلانيب و نهايت گونئي آذربايجانيميزين قوتسال بايراغي، [بورادا گاموحون بايراغي قصد ائديلير، گونئي آزربايجانين بايراغي يوخودور. مب] همدان شهرينين بير سيرا لياقتلي يئرلريدن آسيلدي كي، ميللي داوا جبهه سينده قارشيدا اولانلارا قانديرسين

ايشته همدان آذربايجان دير و تامام.