پرويز محمدي`نين توركجه قوشوقلاريندان- قوروا درجه زين همدان- آزربايجان

من قوروالويام
Mǝn Qorvaluyam

پرويز محمدي`نين توركجه قوشوقلاريندان- قوروا درجه زين (همدان- آزربايجان)
Pǝrviz Mohǝmmǝdi’nin Türkcǝ Qoşuqlarından
Qorva Dǝrcǝzin, Hǝmǝdan, Azǝrbaycan
اشعاري از پرويز محمدي- قوره درجزين همدان- آزربايجان

مئهران باهارلي

وبلاگ همدان- آزربايجان
http://hemedan-az.blogspot.com/

سٶزوموز

پرويز محممدي گونئي آزربايجان`ين همدان اوستانيندا يئرله شه ن درجه زين`ين قورواسينداندير. بوسنادا ياشايان محممدي`نين تورك و فارس ديللرينده قوشوقلاري (شئعرلري) واردير. اونون توركجه قوشوقلارينين ديلي، سون درجه آخيجي و يالين (ساده)، و عئيني آندا اولدوقجا گوجلودور:

گنه بير گون بيزيم باغا گلگينه ن
شئعر باغومدان بير دسته گول درگينه ن
شئعر باغومدا مارال مارال گزگينه ن
ياپراقومو آياقوينان ازگينه ن
بولبولون نغمه سي منيم سؤزومدو
الينده کي او دسته گول
شئعريم دئييل، سؤزوم دئييل
اوره گيمدي، اؤزومدو

محممدي`نين توركجه قوشوقلاريندا اينسان، سئوگي و اينسان سئوگيسينين تمل يئري واردير. اونون قوشوقلاريندان يونوس ايمره، پيرسولطان و شاه ايسماعيل`ين ييپارلي (معطر) اييي گلير، اونلاردا بو اولولارين ايزي گؤرونور. بو شئعرلرين بؤيوك بير بؤلومو ديل، دوشونجه و ايشله دييي قونولار باخيميندان تيپيك قيزيلباش-علوي شئعريدير. همدان اوستاني بيليندييي كيمي بوگون ده قيزيلباش قالينتيلارينين - فارس صوفي طريقتلري و كورد اهل-ي حاقلاردا اريمكده اولسالار دا- ياشاديغي بير بؤلگه دير:

قوروالو عاشيقه م،
اليمده سازوم
حق درگاهونا گئديره م
واردو نييازوم

منه دلي دئيين
دلي‌يه م، دلي
حقق`ه عاشيقه م من
موولام علي`دي، علي

من گئديره م حق يولانا نهايت
آللاه`ون عئشقيدي منه کيفايت
قوروالو عاشيقه م، قالون سلامت
قوروالونو اسير ائتمه ز جهالت

من سايين پرويز محممدي`نين توركجه شئعرلريندن قيسسا بير توپلونو سؤزوموزده يايينلاييرام. بئله بير اينجينين (جواهيرين) همدان`ين قوروا`سيندان چيخماسي، آزربايجان قوشوغو اوچون بؤيوك بير قازانج و تورك گؤركسؤزو (ادبيياتي) آچيسيندان تاريخي بير اولاي (حاديثه)دير.

مئهران باهارلي

پرويز محمدي شاعري از قروه درجزين در استان آزربايجاني همدان است. وي كه اكنون در بوسني ساكن است داراي اشعار تركي و فارسي است. زبان شعر تركي وي بسيار روان و ساده و در عين حال فوق العاده قدرتمند است.

گنه بير گون بيزيم باغا گلگينه ن
شئعر باغومدان بير دسته گول درگينه ن
شئعر باغومدا مارال مارال گزگينه ن
ياپراقومو آياقوينان ازگينه ن
بولبولون نغمه سي منيم سؤزومدو
الينده کي او دسته گول
شئعريم دئييل، سؤزوم دئييل
اوره گيمدي، اؤزومدو

عشق، انسان و عشق به انسان اساس شعر تركي وي را تشكيل مي دهد. در اين اشعار كه از آنها بوي معطر يونوس ايمره، پير سولطان و شاه اسماعيل به مشام مي رسد، رد اين بزرگان ديده مي شود. بخشي بزرگ از اين اشعار، به لحاظ زباني، تفكر و موضوعاتي كه مطرح مي كنند، نمونه تيپيك شعر قزلباش-علوي مي باشند. همانگونه كه معلوم است استان همدان، امروز نيز منطقه اي است كه بازماندگان تركان صوفي قزلباش- هرچند در حال تحليل رفتن در طريقتهاي تصوف فارسي و اهل حقهاي كرد- را در خود جاي داده است.

قوروالو عاشيقه م،
اليمده سازوم
حق درگاهونا گئديره م
واردو نييازوم

منه دلي دئيين
دلي‌يه م، دلي
حقق`ه عاشيقه م من
موولام علي`دي، علي

من گئديره م حق يولانا نهايت
آللاه`ون عئشقيدي منه کيفايت
قوروالو عاشيقه م، قالون سلامت
قوروالونو اسير ائتمه ز جهالت

من مجموعه اي كوچك از شعرهاي تركي پرويز محمدي را در سؤزوموز منتشر مي كنم. ظهور جواهري اينچنين در قوره همدان، حادثه اي تاريخي در ادبيات تركي و دستاوردي بزرگ براي شعر آزربايجان است.

مهران بهاري

بو قوشوقلار سؤزوموز طرفيندن يازيم (ايملا) باخيميندان كؤنوتولموشدور (ائديت ائديلميشدير).
قوشوقلارين آغيز اؤزه لليكلري، اولدوقلاري كيمي قورونموشدور. مئهران باهارلي


قايناق: تاریخ هنر و باستانشناسی از قروه درجزین تا سارایو
http://www.parvizm.persianblog.ir/

-----------------------------------

سیزلره من سالاموم وار
SİZLƏRƏ MƏN SALAMIM VAR

سیزلره من سالاموم وار
حقدن سیزه پیاموم وار

آللاه یولون گئده نلر
حق سوزونو دئیه نلر
عئشق رداسین گئیه نلر
سیزلره خوش کالاموم وار
منیم ده تورک مراموم وار

بیزیم دیلده یازانلارا
قلمینه ن قازاماتو قازانلارا
عاشق گوزویله ميللتلره باخلانلارا
دیل یارادان یاریز اولسون
جانلاروز عئشقیله دولسون

ایرانلویام، دینیم ایسلام
دیلیم تورکدو، بونا خوشام
تورک دیلينده اوچان قوشام
منیم باغوم یاندورمایون
حق یولوندان آزدورمایون

تورک دیل ایله دیل آچموشام
حق یولوندا من قاچموشام
سوسوز دیللرده آخموشام
منیم یولوم باقلامایون
اوره گیمی داغلامایون

حئیدر کراردان ايلهام آلانلار
قارا گونده اولدوز کیمین یانانلار
نامردلیگی باشلاروندان آتانلار
حئیدر دیلی بایات الماز
بایاتودان اوره ک دویماز

منه دوشمن تک باخمایون
دیلیمی مندن آلمایون
اوره گیم دارا آسمایون
قوروالویام، من پرویز`ه م
آللاه عئشقیله لبریزه م

--------------------

باخار قوروا
BAXAR QORVA

قوروا، قوروا، یاقچو قروا
بیزه آللاه باخسو قوروا
سرین سولار آخسو قوروا
گوللریمیز آچسو قوروا
.....

قوروا، قروا، بیزیم قوروا
اوردا واردو ایزیم قوروا
حق یولونو چیزیم قوروا
یازسو شئعرین قیزیم قوروا
....

قرووا، قوروا، آدو قوروا
آغوزلاردا دادو قوروا
یاد قالار یادو قوروا
عرشه گئده ر دادو قوروا
....

قوروا، قوروا، جینگیل قوروا
چوگورلری دینگیل قوروا
آلماز قوروا، دینقیل قوروا
توته کلری مین دیل قوروا
.....

قوروا، قوروا، دیلیم قوروا
حق یولونو بیلیم قوروا
یالانلارو سیلیم قوروا
نمازومو قیلیم قوروا
......

قوروا، قوروا، باخار قوروا
حق یولوندا آخار قوروا
عقیق اوزوک تاخار قوروا
اووه لاوا یاخار قوروا

---------------

من قوروالويام – [١٣٥٨ نجي ايل]
MƏN QORVALIYAM
- سال ۱۳۵۸

بولاغلار باشوندا من سوو ايچميشه م
اينسانلوق يولونو سوويب سئچميشه م
عاشيقلار آدونا من آند ايچميشه م
عئشقيمين يولوندا يانوب گئچميشه م
مئهريبان اينسانام، من قوروالويام
با دين-و ايمانام، من قوروالويام

نامردليک يولونو باشدان آتموشام
حقيقت يولونو جاندان آلموشام
علی`نين يولوندا صاديق قالموشام
سعادت کيليدين اوندا تاپموشام
آللاهˊا بنده يه م، من قوروالويام
حق`ه آکنده يه م، من قوروالويام

عاشيقلار سازلارون دييين چالسولا
گویلرده اولدوزلار دييين يانسولا
اوشاغلار دينلرين بيليب قانسولا
حقيقت قاپوسون اولار آچسولا
معريفت اوغلويام، من قوروالويام
عئشقيندن دولويام، من قوروالويام

چاقورون جوانلار کنده گلسيله
معريفت باغلارون بوردا اکسيله
سعادت ميوه سين هر گون درسيله
محببت گوللرين جاندا سرسيله
علی`يه ياوره م، من قوروالويام
مرد-ي ديلآوره م، من قوروالويام

-----------------------

گٶزو یولدادو قوروالو
GÖZÜ YOLDADIR QORVALI

گٶزو یولدادو قوروالو
باشو داردادو قوروالو
کیم چاتار اونون دادونا
دوستو هاردادو قوروالو
گٶزو یولدادو قوروالو
حقدن دویمادو قوروالو

موولام علی بیزه دوست اول
بیزه گٶسته ر یاقچو بیر یول
آللاه`ا بیز بنده اولاک
آللاه عئشقیدن بیز دولاک
محممد`ه اولاک اوممت
حق یولوندا ائده ک هيممت

اوره گیمیز یا حق دئسی
قوروادان گلسی حق سسی
حوسیئن`ی هر دم چاقوراک
اينسانلوق ارکانون قوراک
باشو اوجالسو قوروالو
مورادون آلسو قوروالو

قاراغولام بش اوخوسو
گلسی باغدان گول قوخوسو
اوره کلر عئشقینن دولسو
بیزه موولاموز یار اولسو
یاقچو آد قالسو قوروالو
چيراغو یانسو قوروالو

-----------------

من سنی چوخ سئویره م
MƏN SƏNİ ÇOX SEVİRƏM

من سنی چوخ سئویره م
چوخداندو گوزوم یولدادو
چوخداندو یولون گوزلوره م

سنی من چوخ سئویره م
من سنی چوخ ایستیره م

سن بیر گون گله جکسه ن، من بیلیره م
من سنین اوره گینین نغمه سینی ائشیدیره م
سن گله نده گوزلریم آیدین اولار
سن گله نده گونلریم عئشقله دولار

آخو من سنسیز هیچ کاميل اولمانام
آخو من سندن هئچ زامان دویمانام
سنی یالقوز قویمانانم
گوزلرینه قوربانام

باشونو دایا داغ تک چیيينلریمه
اللرین وئر منیم اللریمه
داغلار تک من سنه دایاق اوللام
سنینله همدم اوللام، سنینله آیاق اوللام

خیالومدا سنی یالقوز قویمادوم
یاشامومدا سنی یالقوز قویمارام
آخو سنسیز من کاميل اولمارام
سندن باشقایا من عاشيق اولمارام

من سنی چوخ ایستیره م
من سنی چوخ سئویره م
چوخداندو گوزوم یولدادو
چوخداندو اوره گیم توودادو

گله جکسه ن بیلیره م
اوره گین نغمه سینی ائشیدیره م
من سنی چوخ سئویره م
من سنی چوخ سئویره م

------------------

[حاق عاشيغي، دلي ناصير]
HAQ ÂȘIĞI DƏLİ NÂSİR

منه دئیين دلی ناصير
هه یه من دلیيه م دلی
عاشيقه م حقق`ه من
موولام علی`دی علی..

قوروالو عاشيقه م،
الیمده سازوم
حق درگاهونا گئدیره م
واردو نيیازوم

منه دلی دئیین
دلي‌یه م دلی
حقق`ه عاشيقه م من
موولام علی`دی علی

من گئدیره م حق یولانا نهایت
آللاه`ون عئشقیدی منه کيفایت
قوروالو عاشيقه م، قالون سلامت
قوروالونو اسیر ائتمه ز جهالت

موولا`نو چاقوران مورادون آلار
قوروالون اوره گینده حق یانار
منه دئیين دئیین دلی دیوانه
قوروالو دینیندن اولماز بیگانه

قروالو ناصير`ه م ، یار علی اوغلو
دریا دریا اوره گیمده سٶز دولو

[سئويتين گئچييينده]
SEVİTİN GEÇİYİNDƏ
در کوچه یار


بو باغومدان
خیالومدا
هر گون سنه باخورام
بو نغمه نی
سنه گوره چالورام
بو شئعریمی سنین ایچین یازورام
بو شئعریمله سنی من چاقورورام
سنی من آختارورام
سنی من آختارورام

خیالومدا هر گئجه
کوچه لرده گزیره م
کوچه لرده اوخورام
پنجره لری آچون!
آی جماعت منه باخون!

بیر گوزه له عاشيقه م من !
بیر گوزه له عاشیق اولموشام
عئشق مئییندن باخون نئجه دولموشام
اونون عئشقینده من اسیر قالموشام
اسیر اولوب اوندان قانات آلموشام
اونون خیالوندا هر گون اوچموشام
اونون خیالوندا قاناد چالموشام
اونون خیالوندا یولوم تاپموشام

آی جماعت !
آی جماعت!
آی جماعت عاشيقه م من
عئشق ایله من گوزه ل دونیا سالموشام
عئشق اوتوندا گئجه گوندوز یانموشام
عئشق ایله من اولدوزلارا چاتموشام
عئشق ایله من قاپولارو آچموشام

آی جماعت عاشيقه م من !
عاشيقه م.
بو نغمه نی سنین ایچین اوخورام
قوی که دونیا عئشقیم بیلسین
عاشيقه م من،
عاشيقه م من، قورخمورام.
عاشيقه م من، اوتانمورام، قورخمورام.

------------------------

[درجزين قورواسي اوينامايا باشلاياندا]
DƏRCƏZİN QORVASI OYNAMAYA BAȘLAYANDA
آنگاه که قروه درجزین به رقص در آید


آی بالابان چالان قوروالو حسین آقا!!
چال سازویو، یاقوش یاقسو
گٶللریمیز دولسو داشسو
سن گویلره باخگونان

آل سازویو چالگونان
بالابانو چالگونان
گویدن نغمه آلگونان
قارانلوق اوره کلرده
گونه ش کیمین یانگونان

چال سازو سیزیللاسو
اوره کده غم قالماسو
قارا غلام بش اوخوسو
آباجوم یاحق توخوسو
خیرالله دوهولون چالسو
شاعير بابا شئعرین یازسو
حق قاپوسون بابا آچسو

قوروادان نامردلیک قاچسو
آللاه بیزه یاقچو باخسو
مولام بیزه یاقچو باخسو
بولاغلاردان سولار آخسو
قوروالو یولونو تاپسو
آللاه`ون عئشقینی دادسو
غم-غصه نی باشدان آتسو

چال سازویو
چال سازویو
اوره کلرده قفس یانسو
گونوللردن دوستلوق داشسو

چال سازیو !
چال سازویو!
چالگونان قوروا اویناسو
آللاه عئشقیدن دویماسو

چال سازویو !
چال سازویو!!

--------------

گنه بیرام گلیری
GƏNƏ BAYRAM GƏLİRİ

گنه بیرام گلیری
گولومسییه گولومسيیه
گنه بولبول ایستیری
اوره ک سوزون، گوله دئیه، گوله دئیه
گنه گونلوم ایستيری پیلوو یئیه، پیلوو یئیه

چالون دوستلار سازلارو
دانققولاسو، دینگیللاسو
وورون دوستلار دوهولو
دامبوللاسو، دیمبیللاسو
چالسو عاشیق چوگورو
زانقوللاسو، زینگیللاسو
چالون داغلار اویناسو
دینگیللاسو، جینگیللاسو
اوخویون ییر هاواسو
جوانلار هالایلاسو
قیز و اوغلان اویناسو
گولومسییه، گولومسییه

گلیری بیرام بیزه، بیرام سیزه
اللره دستمال آلون
اوینایون سیز، اوینایون
بو گونلر تک قالمایون
گیرین سیزلر مئیدانا
اوره گیمیز مئیخانا
گیر میئدانا، گیر مئیدانا
بلکه بو مئیدان قیزه، مئیدان قیزه
ماشاللاه اوغلان قیزه، اوغلان قیزه
هه یه دوستلاروم، هه یه
گنه بیرام گلیری بو ایل سیزه
بو ایل بیزه
گولومسییه، گولومسییه

گنه کوسسا گلیری ذونقوللویا، ذونقوللویا
گنه سوووخ گئدیری خوتوللویا خوتوللویا
هه یه دوستلاروم هه یه
هه یه دوستلاروم هه یه
گنه بیرام گلیری.

---------------

آی پارا
AYPARA

[بو قوشوغو ١٣٥٥ ايللرينده قوشموشام]
این شعروازه ترکی را در سالهای 1355 نوشته ام.

آی پارا !!
آی !! آی پارا !
اوووم قارا، بختیم قارا
اوره گیم یارا،
من اولوم سن چیخ داغا
بلکه بیزه ایشیق یاقا
ایشیقلردن ایمان آخا
گٶی اولدوزدان مونجوق تاخا
گنه آللاه بیزه باخا
گنه آللاه بیز ه باخا
گنه قیزلار اللرینه حنا یاخا

آی پارا !!
آی !! آی پارا !!
کنده گئجه گلیبدی
اولدوزلارو دریبدی
اٶز اووینه سریبدی
باغو سوووخ کسیبدی
بولبول بوردا غریبدی

آی پارا !
من اٶلوم چیخ سن داغا
بلکه کنده ایشیق یاقا
بلکه آللاه بیزه باخا
بولاغلاردان ایمان آخا
قوروالو قیز شئعرین یازا
شئعرلرینی دئیه سازا
عئشق نقشینی گٶیه قازا

آی پارا !!
آی !! آی پارا !
بو گئجه سن چیخگینه ن
قارانلوقو یيخگینه ن
موولام علی بیزه گلسی
بیزیم باغدا اولدوز اکسی
باغلاردا عئشق بارا گلسی
بالاجا باجوم گولون درسی
دفترینده اونو سرسی
موولادان بیز آلاک درسی
موولا درسینی اوخویاک
آللاه آدوندان دویمویاک

کنده گئجه گله نده
اولدوزلارو دره نده
بولبوللارون قناتلارون کئسه نده
بیز گئجه دن قورخمویاق
اوره کلردن ایمانو بیز قوومویاق
اوره کلرده ایمان آیو پارلاسون
هئچ بیر اوره ک ایمانسوز قالماسون

آی پارا !
آی !آی پارا!

---------------

آخ که بو گون نه جور خوشام
AX Kİ BUGÜN NƏ CÜR XOȘAM

یاواش یاواش گون چیخه نده
ایشيقلر ظولمو یيخه نده
پنجره دن نورلار ساچار
منیم گونلوم قاناد آچار
هوسله نه ر، اوینار، اوچار
هوسيیله گوله باخار
گولونه ن دانوشار، گوله ر
گوللرین قدرینی بیله ر
آخ نه گٶزه لدی بو یاشام
حيس ائدیره م که بیر قوشام
قفسددن آزاد اولموشام
سئوگیلریله دولموشام
آخ که بوگون نه جور خوشام
آخ که بوگون نه جور خوشام

-------------------

[قالخ و تانريني سسله- ١٣٦٤ نجو ايل]
QALX VƏ TANRINI SƏSLƏ 1364
بر خیز و خدا را صدا کن....سال ۱۳۶۴

کیم یاتوبدور، کیم اویاق؟!!
کند سسسیز، کند بختسیز
کیمسه دن یوخدور جواب
دوردو چیخدی او داما
باخدو هر یئر قارالو
چوخ اوره کلر یارالو
ار و آرواد آرالو
یوخدو کندین هئچ حالو
غم گٶیدن یاقورو
کٶپک مات مات باخورو
گٶزدن یاشلار آخورو.

کیم یاتوبدو، کیم اویاق.؟!
اوره گینده یوخدو تاب
کیمسه دن یوخدو جواب.
گنه او سسله ندی
کندینی چاقوردو
اوره کدن باقوردو
حئیف اولسون، یوخولار آقوردو
دودمان داغولدو
سوزلر داد-و بی داد اولدو
...

گنه باخدو هر یانا
گنه اوت دوشدو جانا
دئدی آللاه سندن من مددلر ایستيره م
من یولوندان چیخمه ره م
باتلاقلاردا ایتمه ره م.

..اوره گینده بیر اوجا سس گلدی.
دئدی ائی بنده-يی خدا
مني چاقورسه ن اوجا
قالماز کندین یوخودا

نااومید اولما، گنه سن کندی چاقور
علی`نین عئلمین قور
اينسانلوق مشعلینی اوجالاردا یاندور
قورخما کندین اویانار
علی`نین عئشقی اوره کلرده یانار
گنه کندین باشو اوجالار

گنه کندین شاد اولار
نااومید اولما
اوره کدن چاقور خدا
اوره كدن چاقور خدا

-------------------

هاردا قالدون گلمه دين
HARDA QALDIN GƏLMƏDİN

سنين عئشيقندن ياندوم
بير نسيم تک اوره گيمه، اسمه دين
او زامانلار که سنی چاقوراردوم
حسرتيندن اوت توتاردوم، ياناردوم
کيشی آغلاماز دئيه دئيه
اوککور اوککور اوره گيمده آغلاردوم

او زامانلار که هر شئی سنی يادوما سالاردو
رويالاردا گونلوم گٶزو داييم سنه باخاردو
اوره گيم سنين آدون چاقوراردو
سنين آدونو اولدوزلارا يازاردو
او زامانلار سنين عئشقين منی دلی ائده ردی
سنی گوره نده اوره گيم تيتره ردی
اوره گيم سنه باخاردو سوسوز بير اينسان کيمين
آمما اٶزوم اوتاناردوم باخا بيلمه زديم سنه
باخوشلارون غوغا ائدره دی منده
باشومو آشاغو سالاردوم
اٶزومو ايتيره رديم، آزاردوم
ديليم باغلاناردو، دانوشا بيلمه زيديم
اوتوندا ياناردوم، دينمه زيديم
دريالار جک سوزوم واردو سنه
عئشقين ياندوراردو منی
باخوشون قاندوراردو منی

ايندي ده گنه
حالا گٶزوم يولدادو
اوره گيم سندن هئچ وقت دويمادو
شئعرلريمنه ن چاقورورام من سنی
من سازومنان آختارورام من سنی
او زاماندان حالا گٶزوم يولدادو
اوره گيم سندن هئچ وفت دويمادو
سٶزلريمی سازومدا من چالورام
سازومنان من عئشقينده يانورام

گنه بير گون بيزيم باغا گلگينه ن
شئعر باغومدان بير دسته گول درگينه ن
شئعر باغومدا مارال مارال گزگينه ن
ياپراقومو آياقوینان ازگينه ن
بولبولون نغمه سی منيم سٶزومدو
الينده کی او دسته گول شئعريم دئييل
سٶزوم دئييل
اوره گيمدی، اٶزومدو

----------------

ياشام گٶزه لدی:[درجزين قورواسيندا ياشام- ١٣٦٤]
YAȘAM GÖZƏLDİ: DƏRCƏZİN QORVASINDA YAȘAM
زندگی در قروه درجزين ۱۳۶۴

گٶردون او گونلری سن
او اوجامان داغلارو
ناسيل و نه جور قيش سوووق آلتوندا
ييقينيب سيخيليب
ديزلرين قوجاقلايوب کيزله ميشدی
سانکی قيشدن قورخوب قار آلتونا گيريب
برکينيب گيزله نميشدی
نه جراتی، نه هيبتی
داغدا داغلوق قالماموشدو
باشوندا اوت يانماموشدو
....

گٶردون باغلاردا
لوپ لوت، کميک ايسکيليت کيمين آقاچلارو
ياپ يالقوز
بو داغلاروندا نه بير قورو ياپراق
نه بیر بالا قوش
قيراغلاروندا نه بير کووا اوت
نه ياشول پارلاق قياق
نه بیر ییر، نه بير سس، نه بير اوخوماق
ايله بيل کی هر شئی سارالموش، سولموش
اٶلوب دونموشودو
..................

گٶردون من بير قارانلوق اووده
اوشودوردوم، تيتريرديم
چرکين کٶهنه پالاسو چولانوب باشوما چکيرديم
روزگارا من بير سٶز دئميرديم
کیمسيیه سٶز دئمیردیم

بير اوغلوم ذوغال ایله کٶهنه لاوالو ديفارلارا
قوش عکسينی چکيردی
گونلری سايوردو
بير گون، ايکی گون
بير آی، ايکی آی......
ديفارلارا خط خط چيزيردی
آروادوم نه دانوشوب دينيردی
آناسو نه دانلويوب قيزيردی

او بير اوغلوم
مات مات باغلو پنجره دن باخوردو
گٶزلريندن داملا داملا گٶزياشلارو آخوردو
اوشاغوم نه گولوردو، آغلوردو
نه ييخيليب قالخوردو
بارماغلارون يالوردو
قيزيم آمما..

قيزيم آمما حالا گولومسه ييردی
گٶزلری ايشيقيدی
بوز اوجاقو دئشيردی
يير اوخوردو، شئعر دئييردی
بلکه ده او عئشق ايشقين
حقی يقين گوروردو
بلکه ده عئشقی قانوردو، حقيقتی بیلیردی
او آللاه`و حيس ائدیردی، تانوردو
بلکه اونون اوره گينده حق چيراغو يانوردو
اوره گينده چوخ اوميدلر وارودو
........

هه يه دوستوم..
او گونلر ايله ايدی...
هر شئی سارالوب، سولوب سونموشودو
اوميدلر بوزلويوب، دونموشودو
هامو یالقوز قالموشدو
اومودوموز شیطان بیزدن آلموشدو
نه بير گله ن، نه بير گئده ن
نه دينه ن، نه دينديره ن
نه سالوب، نه سينديره ن
سانکی کندده آادام .. ياشامدا آننام قالماموشدو
کيمسه حقدن ده بير نيشان آلماموشدو

قيشيدی دوستوم
چوخ سوووخ بير قيش
يير گوندن اوزاغلاشموشودو
گٶی سارالوب بوزارموشودو
اوره کلر محببتدن بوشالموشودو
اومودلار اوره کلرده يانموشدو
......

بير گون قيزيم اوجاق باشوندا ايکن
باجادان اووه بير ايشيق ساچدو
گونه ش الی قاپولارو آچدو
اوويميزه بير مئهريبان نسيم اسدی
اوجاقوموز ايسيندی، ياندو

قيزيم آللاه چاقوردو
گٶنول گولو آچولدو
آروادوم گولومسه دی
سيزی سوويره م دئدی
اوغلانلاروم قاپولارو آچدولا
حقه سارو يورودوله، قاچدولا
....

هه يه دوستوم ..
ايندی گٶرورسه ن
نه جور مئهريبان بير نسيم اسيری
گٶنلوموزدن بيزه خبر گليری
قارلار بالا بالا اريری

داملالار چيزغا چيزغا يول آچوللا
تپه لردن، داغلاردان آشاغو آخوللا
اوشاغوم اوره گينده اومود گولو اکيری
قيش گئديب باهار گليری

دينله، قولاق آس
ائشيديرسه ن يئرين ايسسی نفسينی
دويورسان، ائشيديرسه ن
بولبلولارون، قمرولارون سسينی
گورورسه ن ايسلاق توپراق ايشيلتوندان
آرپالار، بوغدالار
شبدرلر، يونجالار
جوکله ييب باش چوخاردوللا
ياشول آغوزلارون آچوللا
گٶيه، سنه، سمنه، باخوللا
اولار بيزی تانوللا
يوخودان اويانوللا
خوروس کيمی باننوللا
ائشيديرسه ن بولبوللارون سسينی
قوشلارون نغمه سينی
گليلله بو يانلارا
بيزيم کندده قالالا
گوللر اوسته قونالا
اوخويالا، اوينويالا
بيزه قوناق اولالا

....ايندی دوستوم..
سن آللاه`و ياد ايله
اوره گوی شاد ايله
گٶر خانوملار ييغيليبله بير ييره
اوت قويوبلا تنديره
تزه چٶره ک، شيرين فطير ياپوللا
چٶلمکلرده گٶزه ل يئمک آسوللا
اوشاغلار دا فطيرلردن قاپوللا
قيزلر گوله گوله بختلريني آچوللا.

...دوستوم سن
ايندی اوويندن چيخ
غم زيندانون ييخ
توت خانومون اليندن
اوشاغلارون اليندن
گئچ کنديميزين
سوپورولوپ سولانموش
دیفارلارو تزه سوواغلانموش
کوچه لريندن
گئچ ياشول ياپراقلو
آغاچلارون کٶلگه سيندن، سريندن

دینله، قولاق آس
يايولان يير، نغمه، بش
اوولرين آچوخ پنجره سيندن
گل گٶر قيزيمی
اوخويوب يازورو
دولانوب گزيری
گول ياپراقلا
اٶزون اورون به زيری
چوخ سوويری گٶيلرده او اوچماقو
ال اوزادوب اولدوزلارو توتماقو
هردن گئديب اولدوزلارو دريری
گئتيريری دفترينده
مونجوق کيمين ورقلره سه ريری
شاعير اولوبدئ قيزيم
عئشق باغوموزدو بيزيم
بير اوغلوم ..

عيلم-و صنعت اٶرگه شير
دييير گوره ک من هامودان باش اولام
چالوشام من يورولمويام، داش اولام
چوخ ايستيری کنديميز آباد اولا
عالمده، کيتابلاردا
کنديميزدن، بيزدن ده بير ياقچو گٶزه ل آد اولا
او بير اوغلوم..

چالوشورو ساز آلا
تويلاردا بايراملاردا
هم اوخويا، هم چالا
او ايستيری موولادان ايلهام آلا
آناسونا اينسانلوقدان باغ سالا
نه اوخورو، نه يازورو، پوزورو
ارته آغشام .. دامدان داما قاچورو
فيشقا چکيب دستمالونو اوينادورو، آتورو
گٶگه رچين اوينادورو
مات مات گٶيه يا دا قونشو باغچاسونا باخورو
آناسو دا هردن منه قيزيری
نجير بير آتاسه ن ؟ منه ديييری
من ديييره م اٶنه می يوخدو دوستوم
سن ده منيم اسکی قونشوم قيزیسه ن
يادوندادو سن منه نازلو نازلو باخاردون
جانوما اوت سالاردون
عاشيق ائده ردين منی
باشوما خرره ياخاردون
او دلی قانلو گنجدی، جواندو
قوی سوويب سوويلسين
ياشامو، عئشقی دويوب دا گٶرسون
ياشاماقدا بيله سووگی گره کدير..

...اوشاغوم دا ايمه کليری، ييريری
گولوب آغلورو
ييخيليب قالخورو

..من ده دوستوم
آروادومنان، يارومنان
سوپوروره م، سولورام دروازانو، کوچه نی
بئللیره م، اکيره م کالاهلارو، بٶيوک بالا کردينی
يووورام، تميزليره م من ياشامون دردينی

....گل دوستوم ..
گل قاپومو چال
گول وئريب گول آل
ال وئر باروشاق
آجوقو آتاق
ياقچو دانوشاق
حقه قاروشاق
گل دوستوم، گل بيزه
گل بيزه، گلين بيزه
اوتورون تزه سوواقلانموش، لاوالانموش
ائيواندا، دامدا
بولبوللو قوشلو
گوللو چيچه کلی
باغچادا، باغدا
بيز سيزه، اوغلانا، قيزه
قيرميز تاباغلاردا
ايمان، ساز و سٶز
اينسانلوق، دوستلوق ريياسوز
گتيره ک
ناغيل دئيه ک
اوزوم يييه ک
اوشاغلارا حق يولونو گٶرسه ده ک
گلين دانوشاق، گوله ک
خيال آتونو مينه ک
اوره ک يولوندا سوره ک
گلين اينانون، ايناناق
محممد`ه اوممت اولاک
اينسانلوقدان دويموياک
قونشونو آج قویموياک
ديفارونو يونموياک

نفسيميز حق دئسی
گلين سووه ک هر کسی

---------------

شریک ممد یئرلر سنی یورمادو
ȘƏRİK MƏMƏD YERLƏR SƏNİ YORMADI
شریک ممد در سال 1362 نوشتم

هئچ اکارا سنی دالا قویمادو
گئجه گونوز بئل چيینینه ایشله دی
اوروشلوخدا بیچه نده سو ایچمه دی
میل ایردلی سندن یامان گورمدی
دالوجکده بیر کس یامان سٶیمه دی
شریک ممد گون قورودا باتوبدو
بیلن قارداش دوستاقلاردا یاتوبدو

یوخودان دور، چراغو توت، دوش یولا
سو گئتمییه کردیلری چوخ دولا
میربچو یاتمویا، سو دوشه یولا
یولچولارا یول و ایز پالچوخ اولا
مشد ايبراهوم قالانون دینگه سینده
اذان وئریر، بیر غم واردو اونون بوگون سسینده

شریک ممد سویوی گئدیر باشونا
یتیشمييیب اوغلوی یئددی یاشونا
قویماگونان قمیش سنی اٶلدورسو
اٶزگه گلسی چولوی یئردن گٶتورسو
قمیش سنی اٶلدورسه
قاپوی اجل دٶیدورسه

کوسسا ابیل یتیمی
هر یتنی یتیمی
یقجکدیر دالولانا
ووراجکدیر باشونا
بازاردا کوچه لرده
اوخویاجک هر یئرده
شریک گئددی بیچینه
قمیش باتدو قیچینه
قمیش دیی کوزازدو
کوزاز ریشه سین قازدو
ایمانون ساتماموشدو
دینینی آتماموشدو

حئیف آمما دینه یالان قاتدولا
اونا یالان ساتدولا
اونا دووا یازدولا
حق یولوندان آزدولا
دووا اونا نینه دی
کوزازونان قینه دی
اجل چاتدو دادونا
کلفت دوشدو یادونا
اولدوزو گٶیدن آخدو
گٶزلری گٶیه باخدو
داوار مالو مئله دی
اوغلو آغلار هله دی
بیر موسلمان بیر کیشی
اوردا توکه ندی ایشی
کلفت قالدو لم یثیر
بیر جوی اکین، بیر سیقیر

شریک ممد کیمیدی
اون یاشدان سقیریدی
یاقچو موسلمانودو
اونون کيمین آزودو
آللاه`ون رحمتی اونا همیشه گلسی
اينشاللاه بئهيشتده اکدیگینی درسی
شریکین اوغلو بٶیوسو، سالار اولسو
موولا علی یولوندا حورر-ي ديلاور اولسو
قوروالونون اوره گی آللاه عئشقینن دولسو
تاریخین داغلاروندا موولا یولونو یونسو

گئرچه يه هو!!!!