پارچالانان قاراقان- خرقان
پارچالانان قاراقان -خرقان
آغ داغ کيمي ووقارلي / اسدالله اميریزومار آی ۲۷, ۱۳۸۷
http://www.hbayat.azerblog.com/1387_06_27_Say=712.ay
يازين بير گونونده سنين له ايلک تانيشماميز…
قاراغانا دوشونورکن بئينيمده بو آدلار سان گئدير: علي کمالي, اکبرخان رزاقي, غيبعلي, مسيحالله رضايي, رمضان باقي, درويش بهروان, … و حسين حيدري.
حسينه دوشونورکن, اولوسوم گؤزوم اؤنونه گلير، اولوسومون سوروملوسو اولان حسين حيدري.
“اولوسوم واي اردميم واي ائليم واي”
حسيني گؤرهنده سانکي علي کماليني گؤردوم: تهران اونيورسيته سي, يوکسک ليسانس, …
و البته نئچه اوستانا پارچالانميش قاراقان.
قاراقان همدانين رزنينده “دهستان خرقان”, ساوادا “بخش خرقان” و قزوين ده “خرقان شرقي” و “خرقان غربي”يه بؤلونسه ده هله داغلاري بيربيرينه داياق, چايلاري بيربيريني جوشدوران و ايگيدلري بيربيرينه آرخالي دير. هله مقدس اينجي قارا داغي, آغ داغ, قيراقي داغ, تکي داغ و …داغ لا بيرليکده قوشا گونبذلري قورويور. هله ايستي سو, آجي چايي قيزديرير. آدلار دهييشديريلسه لر ده هله آبگرم “ايستي سو” و رود شور”آجي چاي” دير بيزه.
من قاراقانين پارچالانماسينا دوشوننده سن بيرلشمه سينه, سن غيبعلي يه دوشوننده من تيليم خانا دوشوندوم و سن اونلارين آوادا دئييشمه لرينه. آوا گديييندن تيليمخان گديگينه يول سالديق, اينجي قاراني آشيب, قيرخ بولاقدان سؤز آچديق و “چشمه علي ”يه دؤنموش علي بولاغيندان سو ايچديک. مؤولاميز علي يه سيغيناراق چاناقچي داکي علوي لره سايغيميز اولارکن, ميصيرقاندا اکبرخانا فاتحه اوخودوق.
حکيمين بئشينجي قورولتاييندا مرهغئيه قوناق گلدين. احوالينی سورابيلمه ديم. واختين آزلغيندان مقاله نله تيليم خان و غيبعلي ني دئييشمه يه سالابيلمه دين و من اوزولدوم. سونرا کمالي محضرينده قرارلاشديق, سوز آچديق, سؤز وئرديک: قاراقانا دوشونهک, اولوسا، ائله, آزربايجانا دوشونک.
و ايندي…
سن اوردان چيخ من بوردان…
0 Comments:
Post a Comment
<< Home