همدان بيلييوردلاري اؤيرنجيلري خوجالي سويقيريميني تؤره دنلري و اونلاري هيمايه ائدنلري محکوم ائديبلر (عکس)
همدان بيلييوردلاري اؤيرنجيلري خوجالي سويقيريميني تؤره دنلري و اونلاري هيمايه ائدنلري محکوم ائديبلر (عکس)
بای بک، آذربايجان | اِلگؤن, ۱۰-ي بوز آی , ۱۱۰۰۸ اینجی ایل, چولا ۱۶:۵۶ [آ.خ] | ایچ ساولار
آذربايجانين همدان شهريندنکي بيلييوردلاري اؤيرنجيلري، ۲۶ فوريه، خوجالي سويقيريميني تؤره دنلرين جينايتلريني محکوم ائديبلر.
باي بک-ه گلن بيلگيلره گؤره، همدان بيلييوردلاريندا کئچيريلن تؤرنلرده، خوجالي و اوردا تؤره ديلن جينايتلر هاقدا بيلگي و عکسلر گؤستريليب. تؤرنده ايشتيراک ائدن اؤيرنجيلر ائرمنيلرين جينايتلرين محکوم ائديب و ايران آدلانان اؤلکه نين يئتکيليلرين ايکي اوزلو سيياستلريندن دولايي قيناييبلار.
آرتيراق کي تؤرنلرين سونوندا بير قتنامه يايينلانميشدير. قطعنامه ده ائرمنيلرين جينايتي و دونيانين اونا ائتيناسيز قالماسينا ايشاره ائديليب، ايران آدلانان اؤلکه نين فلسطين و قاراباغ مسئله سينه تضادلي ياناشماسي، ائرمنيلره يارديم ائتمه سي و بو فاجيعه ني اؤرت-باسدير ائتمه سي قينانيبدير.
0 Comments:
Post a Comment
<< Home