حبسده اؤلدورولن همدانلي قيز اؤيرنجي نين قاتيللري جزاسيز بوراخيليبلار!
۱ ايل ياريم اؤنجه همدان شهرينده بير پارکدا نيشانليسييلا گزن زهرا بني يعقوب باره ده آچيلان داعوا سونوجسوز قاپاتيليب!
گونئيدن باي بک-ه گلن بيلگيلرگؤره، خانيم بني يعقوب-اون اؤلدورولمه سيله باغلي محکمه ليک اولان شخصلرين هاميسينا برات وئريليبدير.
خاطيرلاداق کي زهرا بني يعقوب آذربايجانين همدان شهريندن اولان بير اؤيرنجيدير کي ايللر بويو يوخسوللارا و کندليلره يارديم اوچون اليندن گله ني ياپاردي. ايران آدلانان اؤلکه نين يئتکيليلري نين وئرديگي خبره گؤره، خانيم بني يعقوب چاليشقان و يارديم سئور بير دوکتوريدي.
۱ ايل ياريم اؤنجه خانيم بني يعقوب و نيشانليسي همداندا فعاليت ائدن اؤزباشينا سيلاهلي قوووه لر (بسيج) طرفيندن توتولاراق گؤز آلتينا آلينير. نيشانليسي نين آييله سينه خبر وئريلندن سونرا، اوغوللاري و گلينلريني آلماغ اوچون بسيج بيناسينا گئديرلر. اوغوللاريني آزاد ائدن يئتکيليلر خانم بني يعقوبون آزاد ائديلمه سينه مانعا تؤره ديرلر.
زهرا بني يعقوبون آييله سينه خبر چاتير و قيزلاري ايله تئلفون گؤروشمه سي ياپيب و همن اونون يانينا گئده جکلريني بيلديريلر. آما مع السف آييله حبسخانايا وارينجا خانيم بني يعقوبون ياشامينا سون قويولور.
اونايلانماميش خبرلره گؤره بسيج اؤيه سي اولان شخصلر خانيم بني يعقوبو گؤزالتيندا اولارکين زورلاييبلار و اولايي اؤرت باسدير ائتمک اوچون اونو بئز ايله قاپيدان آسيب و اينتيحار ائتميش کيمي راپور ائديبلر.
باي بک آرتيرير کي اولاي ايلک محکمه ده اينتيحار اولاراق قاپاتيلميشدير آنجاق اؤلدورولن اؤيرنجي نين عايله سي نين يوکسک يئتکيليلره موراجييتلري سونوجو بير داها دينلنمگه گؤندريلميشدير. نئچه شخص توتولسادا سونرا آزادليغا بوراخيلميشلار. آنجاق هله ليک وکيللره گؤندريلمه ميش حؤکمه اساسن، توتولانلارين هاميسينا برائت وئريليب و دوسييا قاپانميش ائلان ائديليبدير.
ايران آدلانان اؤلکه ده اؤزباشينا توتولاراق اؤلدورولنلرين سايي چوخدور آنجاق مئدييالارا کسکين تعليمات وئريليبدير کي بئلنچي اولايلاري يايماسينلار.
0 Comments:
Post a Comment
<< Home