80 مین تاماشاچی تبریزده، تيراختور و پاس تاخیملاری اویونوندا بیرلیکده باغیردیلار: همدان بیزیم دیر بیزیم قالاجاق...


میللی حرکت شنبه ۷ آذر ۱۳۸۸: 80 مینده ن آرتیق تاماشاچی تبریزین سهند( یادگاری امام) ایدمان میئیدانیندا .

ایران لیگ برتر فوتبال نین 17 – جی هفته سینین داوامیندا 20 گؤن آرا آلدیقدان سونرا، آزربایجانین باش کندی تبریزین تيراختور تاخیمی ایله آزربایجانین دیگر بیر شهری اولان، همدان شهرینین پاس فوتبال تاخیمی سهند ( یادگار امام ) ایدمان مئیدانیندا 90 دقیقه یاریش دان سونرا اویون ایکی ـ ایکی یه باشا چاتدی . بو حسابلا تيراختور تاخیمی جدولین 8 – جی یئرینه صعود ائله دی .



بو یاریشدا 80 ـ مینده ن آرتیق آزربایجانین چوخلو شهرلریندن حوضورو اولان آزارکش گؤز اونونده ایدی .

بو یاریشین اؤنملی نؤقطه لرینده ن بیری فوتبال سئور و اؤز میللی هویتلرینی طلب ائده ن اینسانلار آزربایجانین آیریلماز حیصه سی اولان همدان فوتبال تاخیمینین اویونچولارینی " دسته گؤل " و " همدان تؤرک قارداشیم خوش گلمیسن " شعاری ایله قارشیلادیلار. یئری وار بو گؤزه ل ایشده ن اؤز میننتدارلیغیمیزی بیلدیره ک .


آرتیرماق لازیمدیر کی بو یاریشدا میللت بیر چوخ شعارلار سسلندیردیلر.

او جومله ده ن : یاشاسین آزربایجان ، آزربایجان وار اولسون ایسته میه ن خار اولسون ، همدان بیزیم دیر بیزیم قالاجاق و ...