شعري از ازندريان- همدان آزربايجان: ازه نده ريان`دان (همه دان-آزه ربايجان) توركجه بير قوشوق:

آي سني كي ياتميشه ي- ياتما دور آللانميشه ي

سايين ح. ا. ازندرياني`يه قوشوغون سسلي فايليني تامين و اونو يازييا كؤچوره ركه ن بير سيرا آنلاشيلماز كلمه له رين چؤزومونه ائتدييي كؤمه ك اوچون شوكرانلاريمي سونورام. مئهران باهارلي

قوشوغا قولاق آسماق اوچون آشاغيدالي ايزله يه تيخلايين:

http://www.box.net/shared/2a0t3hyzod



آي سني كي ياتميشه ي
ياتما دور آللانميشه ي
گئديب اليينه ن زمان
عؤمرئ گئچيرتدين يامان
دونياده هئش گزمه دين
ياخچئ يامان گؤرمه دين
ايندئ كئ فورصه تين يوخ
قولاخ وئر-و ديمه يوخ
باش وور منيم كنديمه
[من اورئمئ سيندئمه]
گل تا گؤره ن كنديمي
اه يري چه وه ل بختينئ
بير كند واريم بئهئشتدئ
بئهئشت يانينده هئشدئ
شهر يوخئ شهردار وارئ
يول يوخئ مئيدان وارئ
باغ يوخئ بوغبان وارئ
بو بيججه نئ دوز ديره م
خودايه ايمان وارئ
اؤزون گره ك گؤزلويه ي
يئماخ يولئ باغلييه ي
اه يرئ گئده ي يئميشه ي
دوز گئده ي آللانميشه ي
ايندي گؤره م نه جوره ي؟
بير بئله زاد گؤرميشه ي؟
هئش يئرده ائشيتميشه ي؟
گنه بولار ياخچيدئ
بو سؤزله ريم دادليدئ
بير عئدده واردئ اه ي واي
اولارده ن آغله هاي هاي
اذان سسي چيخه نده
مچچيده اوزانيلله ر
هر نه ده اوسسون اولمه ز
باش صفي چي گئديلله ر
[او وقت؟ گه باخ چؤلونه]
گئديبدئ خخ يئرينه
بير قريش ايككي ارشين
گووهان ساليب بو يانه
سن دييره ين حاجيدئ
زار اولماقده ن عاريدي
جينس اگه ر آله ي اوننه ن
گومان واريم پيس يانه ن
خورد ائلير چئك حئسابي
[يارئ فييئننه ن سالي]
يالان دييئم لال اولئم
درده گئرئفتار اولئم
دييه ر اوشاخله ر منه
ساغ باشئ سققئزله مه
خطه ر يولئ گؤزله مه
قئزئل ديلين دولاتمه
گؤي باشه قان بوله تمه
تيك يئره سن گؤزله رين
گئت گل-و باغله ديلين
اثه ر يوخئ سؤزله رين
آچچئ ائله وئرديي
نمه ديييم كي اولمير
نمه ائليم كي اولمير
باشده ن بو فئكر اوتئرمير
[سؤگيشه؟ ياغلئيه م من]
سؤزله ريمئ ديره م من
عاقئل اولوب ديريلوخ
آره له ره آيرئلوخ
بيربيريينه ن اوتاينه ك
طايئفه ده ن دولاينه ك
[توتمورك ال؟ آتاني]
ايسته ميره ك آنانئ
قوجاخليره ك دونيانئ
يئنگه اولان دونيانئ
ايسه ك اوله ك بافرهنگ
پيشره فتينه ن هماهه نگ
بيججه يه دير يئ دونئ
گؤي اوته دير جوونه
خولييه دير ديوونه
ديره م حالين نه جوردئ
دييه ر كي مئرسي خوبدئ
اولوبدئ اون بئش ياشئ
فارسي دييه ر قارداشي
توركي دييه ر بيلميره م
ايسته ميره م ده بيله م
توركيده ن آجوغوم وار
فارسييه خوشلوغئم وار
حئيف حئيف كي ديليم قيسسه دئ
ائششه گه سؤز پئسته دئ
[آينه مه ز او ائششه دئ]
[دييه ر يارو ائششه دئ]
كاشكي ائيله بو اولسئن
آيري زاده چاتمه سين
تاززه چاتئب ائوله ره
ايش دوشوب آروادله ره
ديييب بونئ كارشئناس
سن ده اونه قولاغ آس
يئماغيزي دؤنده رين
ديريليگي آيرئ ائدين
تورش آشئ ميكروب وارئ
[ائسپاگئتي قئيديرين]
آججي چايئ ايش كي قند
وورئر بده نه مين فند
ياغ يئمييه ي بوغئلله ين
[اول؟ آقشام اؤله ين]
آز هئي غذايه دوز سپ
[فقه ط يئ و كئرين؟ چك]
داوار اتي آز آلون
هفته ده بير بالوخ ييئن
اوننه ن سورا يازوغه ي
گره ك سوسيس گمميره ك
دانيشمييه ك آغلييه ك
آغلامييه ك آنقيره ك
هر نه ديييم توكه نمه ز
ديليم گنه دولاممه ز
پيس گيرميشه ك بلايه
قورخه م دوشه ك خلايه
هر جور گلير اؤلچيره ك
رسم-و روسوم دئيشيره ك
قورتاريره م باغيشلين
دالين سورا دانيشميم